懷孕日記5之首次與小寶貝見面

不知不覺間已經踏入了懷孕的後期了, 往後, 小寶貝的小個子會愈來愈大, 身體因為急速發展所以她的重量都會節節上升, 我的體重及腰背的負荷都大了不少, 幸得老公每晚都幫我按摩, 我才可以睡得好好的, 真係好彩有老公做按摩師咋, 唔係我實晚晚痛!


今次要同大家一齊睇下小寶貝既樣呀, 我都係第一次見佢架咋, 因為我同老公實在太心急想見下bb啦, 而且覺得留起小寶貝在我肚內既模樣, 將來俾返佢睇下自己個樣都是一件有趣既事, 所以就在上星期同BB影左一輯4D照片呢!

起初既時候, bb訓左教, 而且仲要摺住自己, 手仔腳仔都包住自己, 後來我要轉下身, 姑娘要搖下佢, 佢先至改下位放返0的手仔腳仔下來俾我地睇下樣咋!! 不過, bb雖然訓左教, 但係動作表情一樣多喎!!

去片!

#一開始的時候, 小寶貝在訓教教豬, 仲要手仔腳仔都包住自己玩瑜珈

去照之前我剛上完孕婦瑜珈, 有關係的嗎? 看她, 好似啜緊自己0的腳趾仔咁呢~





#包住自己zzzz…..

#蘭花手bb呀, 真係女仔得佢呀!!

#腳仔拍得好清楚啊, 撐住我個肚呢!

 
 
 
 
 
 
 
 
 
 
 

#我還會做sure win勝利手勢呢!YEAH!!

 

#O咀都會啊~~hehe, 真是表情多多的小女生

#舉起手仔摸摸頭頂先!



#後期小人兒真的扭眼訓了, 又摔眼趨眉仲要篇起小咀來, 好了好了不吵你啦..

整個過程花了差不多25分鐘, 拍得女兒的照片, 讓我真正的看得見她的存在, 真的是太感動了, 原來短短的40個星期, 就可以孕育奇妙的生命, 而且感受到她在我體內俏俏成長, 生命就是這麼奇妙.

昨日老公還幫我影了一輯大肚照, 不算很專業啦不過就讓我留下懷孕的美好時光啦, 下文會出點照片以及相關妝文, 請大家多多支持了啊^^!

願, 一切順利!

敗文一則- 彩妝護膚品連環敗-MAC/Jill Stuart/Clarins

今個月真 的敗家敗得很瘋很瘋, 月頭才買了新入手的The Balm 一共兩盤9色眼影盤, 還未有時間好好利用研究, 就馬上被MAC新出的Semi Precious Collection – 每年夏天都會推出的礦物系列吸引住了! 眼影美得太令人著魔, 像宇宙一樣的迷漾紋理, 一顆眼影卻有多種色彩, 教人如何把目光離開它們?


網上看過評語的我本來一點都不生火, 看到實物卻又另一回事了!

你說女人都是善變的準是沒錯的啦!

上星期日早上, 我同老公原本是打算去百貨公司看bb的餐椅…..經過屯門市廣場新開的MAC, 由於是比較早的時間, 店內都沒其他客人, 只有我自己在玩新出的各色眼影, 新店很大很闊, 屯門店店內方方正正的, 一目了然, 不像其他分店一樣又小又窄又多人, 選購起產品來, 真的舒適得多了!

更糟的是, 又遇上了好好人的BA!

小綠子玩了好久久才選出4個顏色出來, 大膽問一下ba, 是否可以給我逐色選個合心水雲石花紋的, 她竟二話不說每色拿了4-5個出來給我這位麻煩客人選擇! 要知道每粒礦物眼影都是與別不同的, 混色組合的比例上都有分別, 所以小綠子有幾個在手上任我選擇就實在是太好了!



最後入手的是:

#Smoked Ruby-紅棕色-超特別的顏色, 手上沒有重覆, 必入!

#Rare Find-紫灰色-華麗的紫灰, 我愛紫色!

#Clarity-淺粉紅, 淺綠, 金色及黑色混合, 混起來是灰色底帶金色, 百搭!

#Unsurpassable-青綠,海藍, 紫色, 金銅色混合, 12個色號裡, 比教叫人驚嚇的一個顏色, 可是小綠子最欣賞, 一粒多用:

可分出青綠色, 紫藍色及金色出來, 混起上來是灰色卻有著幻彩金綠色?!天, 好難形容, 不過前日我已經用過了, 上眼是不會很青bb的啦, 放心吧!



超級後悔沒把#Golden Gaze-黑金色都入手, 請等我一下, 我好快會帶你回家啊!



摸過之後的小心得:

質地最好的是4顆: Smoked Ruby/Blue Sheen/Dark Indulgence/Golden Gaze, 粉質好幼, 不用濕上都非常顯色, 大推!但由於我有了Sea & Sky 及 Blue Flame 及she who dare, 所以沒買Blue Sheen.

另外都有了she who dare了所以沒買Dark Indulgence!

還有Quartz Fusion的閃粉太勁, 你不怕一用就整臉都是粉的話, 可以入!XD



妝文會來的, 一個個來!!! (你信我架可?!)

好了, 還有其他的入手, 今次的是跟我風格很不一的Jill Stuart!

#Jill Stuart

#Aqua Crystal

入手的4色眼影顏色是Aqua Crystal, 很summer的感覺, 包裝很美, 可是閃粉好大, 而且顏色都淡了點, JS還是有一盒在手就夠了

#胭脂

 

同樣是js家的, 漂亮的胭脂, 是限量版來的,包裝太美了, 還附有一個胭脂掃, 可惜圖中的閃閃銀色lace圖案, 一掃就沒了, 真是可惜!!!



最後的是去水腫用品! 已經用到第2支的Clarins V SHAPE 纖顏緊緻精華, 懷孕期間臉臉多少有點水腫, 只好靠它了啊! 每天早晚使用, 按摩一下, 希望不要大包臉啦!!!

#set 裝$520大元, 小貴啦, 不過值得!



好了, 就這樣啦, 打了一排要工作去了啊!

byebye!

懷孕日記4之閒來安胎補身-桑寄生蓮子雞蛋茶

今日來到25wks既最後一日啦, 我肚子內的小寶貝正快速成長, 弄得小綠子個肚大到成40寸了, 肚臍都被子宮迫了出來, 你話係咪好搞笑呢?


由於已經踏入懷孕既中期, 為配合BB既成長, 媽咪大人同奶奶大人都時不時煲花膠湯過我飲, 不過成日飲湯又好似好悶, 所以我醒起都係時候可以飲下0的安胎補身既糖水啦, 今天要同大家介紹既係好多人都好熟悉既一個男女老幼都可以飲既糖水: 桑寄生蓮子雞蛋茶

唔好睇我碗糖水咁深色好似好難煲咁喎, 其實做法好簡單, 我都係昨晚收左工食完飯先至煲咋, 真係好易架咋! 小綠子蝦子餅都食左一碗呢! 孕婦由5個多月(20-22wks)起就可以開始飲到33wks左右, 一個星期飲1-2次就ok架啦, 可以安胎長胎, 仲可以幫忙舒緩孕婦常有既腰痛, 係咪好補呢? 一般女生就算來完每月一次之後都可以煲來補身架!



以下尼個食譜係我在網上blogger Miss Jubie既blog度抓回來的, 原blog如下:

http://hk.myblog.yahoo.com/miss-jubie/article?mid=19525



材料： (2人份量)

雞蛋 --- 2隻

桑寄生 --- 1兩 (約用手大大榨執2次)

蓮子 --- 約16-20粒

清水 --- 1公升

片糖 --- 3兩 (約3 1/2條片糖) ps. {{小綠子按:我只放了2片片糖就覺得夠啦, 份量隨心啦!}}



做法：

1. 先將雞蛋(連殼)洗淨, 備用

2.先用清水略為沖一沖桑寄生, 瀝乾, 放入大煲內, 再加入雞蛋, 蓮子及1公升清水用大火煲滾, 後轉用慢火煲40分鐘, 取出雞蛋, 用清水浸冷, 然後剝殼, 備用.

3.撈走全部桑寄生(蓮子如被一齊撈起，就將蓮子再放回入煲內), 加入已剝殼雞蛋及片糖, 再煲15分鐘, 完成

係咪好易呢?

可能大家唔知桑寄生係點買既, 其實去有中藥賣既藥材鋪就有架啦, 我都係買Miss Jubie尼款:

一大盒, 只係15蚊, 可以用好幾次lor

而蓮子呢, 我昨晚買左3兩, 才12元, 都係可以用好幾次架啦!



街外有些老字號既糖水店都有得賣, 不過既然材料又平, 做法又易, 不如大家動手一家人一齊補身更好吧?!



好了, 就以上吧!

下次再見!

懷孕日記3之有機孕期護膚保養-Melvita

Hello, 大家好嗎?

不經不覺, 小綠子同bb已經快要踏入25週了啊, 現時bb囡既動作愈來愈大啦, 前晚老公貼著我肚皮同bb講野, 仲俾bb伸左一腳tim!! 而我更加可以感受到佢由左游向右既動作tim!

懷孕真係奇妙啦!

好啦入正題, 大家都明白懷孕對女性而言的確是個很大改變, 不單單是身體上, 就連心理上都有莫大轉變, 簡單的說說有初期的害喜反應, 頭痛頭暈, 胃口改變,皮膚質數下降. 以致懷孕中期的腰痛水腫, 便秘, 以及體型上的大改變, 心理上對家庭的憂慮以及胎兒的健康狀況等等, 準媽媽所要承受的壓力毫不簡單! 所以, 小綠子決定要在孕期之中好好保養, 仲要善待自己及腹中BB, 所以我選擇了來自法國的有機護膚品牌-Melvita 的一系列產品作為我孕期之中的臉部及身體保養!

首先看看今次小綠子的收獲吧?

#來張全家福先, 壯觀吧?

#首先看看花水, Melvita的皇牌產品, 既大支又實用!

由於我是vip會員, 故今個月買2支以上就可以享有85折, 所以就同朋友夾左1人1支

我早在前幾個月買入皇牌玟瑰花水, 可以幼 細皮膚, 幫助保濕,我就習慣睡前使用, 幫助皮膚保水以及更易於吸收護膚品.

而今次呢, 就買了有機金縷梅花水具淨化、緊膚及收細毛孔的效用, 小綠子的膚質是混合偏油性, 毛孔超大的啦!

而朋友呢, 因為看中了有機矢車菊花水對眼部護理特別有效。 有機矢車菊花水有效減退細紋及活化眼部肌膚, 我都很心動呢!

中間小小的一支是橙花花水, 送的啊, 小小的放於手袋之中多好好方便!

花水大大支有200ml啊, 價格由210元至280元

#精露系列

小小的2支精露, 別看它樣子與花水相似, 它的質地比起花水更保濕啊! (有點稠黏的厚身質地)

我選擇了”水仙美白精露”含有美白的效能具有減慢黑色素形成及積聚的功效，防止色斑形成，美白均勻膚色，有助肌膚回復透亮白淨，展現動人的透明感.

另外一支是”橙花滋潤精露”可以急救缺水乾燥、敏感或成熟肌膚，強勁的保濕軟膚效果，來自橙花水、橙花精露及橙花精等三重的有機認證成分，再加上高度保濕的無花果精華，讓乾燥缺水肌膚即時獲得水分滋養，滋潤紓緩皮膚乾燥繃緊的狀態，重拾幼嫩柔軟的觸感.

小小的2支精露都有強勁的保濕效能, BA說當是TONER使用就可以了, 所以用量應該會很多吧, 一入就買2支吧!每支180元

#左方的是玫瑰果油, 右方的是閃亮美膚油

相信大家都知道懷孕期間最慘的莫過於生出很多妊娠紋, 小綠子怕得要命, 一知道自己懷了寶寶就立即買了一支了, 今次買多一支是作補貨之用, 天天都要用它來按摩肚子, 乳房及大腿, 不買實在不行呢!

玫瑰果油亦有維持皮膚的緊緻及彈性的作用，對預防及撫平因為懷孕引起的妊娠紋或體重變化造成的橙皮紋具明顯功效，同時亦有效減少皮膚的色素，預防黑斑及雀斑形成。價格350元

而閃亮美膚油則用來塗全身的, 夏天待在冷氣之中好day啊, 塗了它, 不但皮膚保濕, 更加可以修護皮膚呢!而且我超喜歡它的香味啊臨睡前使用真的好relax!

價格280元

之後的, 就是大出血的贈品了啊!
#一套3件的緊緻系列travel set

#我超喜歡的有機橙花蜜 (平時單買可要220元啦!)

#還有一個好實用又可愛的布袋, 我天天在用啊

!

好了,大出血完畢, 期望皮膚質數可以改善, 請賜我力量讓Melvita幫我快樂的完成懷孕之旅吧!!

PS. 謝謝朗豪坊的超好人BA哦!!

分享完畢!下次再見!!



The Blam 彩妝

尼一排肚子大了很多, 而且都精神得多了, bb都有力地一直在我肚子裡游水, 生命真是奇妙啊.




早上早了點起床所以又可以如常化妝了, hehe.



一年前我買過the blam的9色眼影盤vol.1, 一試之下覺得非常好用, 質地很貼而且有像urban decay一樣的易blend開, 所以之前都已經想入手vol.2 & 3, 沒想到這幾天心血來潮正要入手之際就發現原來學校有sales尼!


#是次入手

本身學校的定價已經比sasa平(sasa340/學校250), 然後再要有88折, 折後才220完就可以擁有9色眼影盤, oh, 教我如何不心動? 粉底大大支的都很不錯的說就買了一支玩玩, 胭脂都在外國blogger評A了, 所以都同時入手了

還有的是早想入手的波波sponge- beauty blender, 心思思的入手一個, 我愛的blogger Vanessa都有介紹過而且一直都有用! 幸好早前沒在cherry culture買, 否則shipping charge都賠上了!

http://nessasarymakeup.blogspot.com/



http://www.temptalia.com/category/thebalm

Temptalia 早前review了不少the blam的產品, 大家可以參考一下
#The blam 的胭脂”Frat Boy” 及粉底”balm shelter”我買的色號是light.

#兩盤眼影 左vol.2, 右vol.3

#跟家裡的vol.1一起合照吧! (oh, 你有生火嗎?!)

今次就這樣吧!看看有沒機會使用以上產品來個妝文!



懷孕日記2之expo小收獲及預早慶祝父親節

今日踏入21wk6d啦!


bb真係踢我踢得愈來愈密, 仲愈來愈大力tim!

我有時就係咁坐係度睇住個肚彈下彈下, 老公都笑我似個傻婆成日睇住個肚笑, 佢就好啦, 可以成日聽到bb在我肚內游水既聲音同響亮既心跳聲, 我雖然聽唔到, 但係我覺得都好sweet呀.



話說上2個星期我同老公去左會展既一個小型展覽, 剛好見到有奶樽set特價

所以我地買左一set 英國牌子Babisil既奶樽連奶樽消毒器, 佢地既防脤氣奶樽都幾受歡迎, 不過都貴絕市面上既各種奶樽, 但係由於佢係使用矽膠內膽, 相對係對bb最安全既, 老公話貴少少都唔緊要, 最重要係對bb安全麻, 所以一口氣買左4個奶樽, 1對奶咀同一個電子奶樽消毒器, 仲送左好多贈品tim呀!BB真係幸福啦!

#Babisil 奶樽set

 

上個星期六我仲同老公出席左個準爸媽+預祝父親節既派對, 主辦單位YWCA找來名DJ呀Bob來分享湊b及家庭樂既心得, 仲有心理學醫生分享, 之後仲可以拿一大袋紀念品同食左餐豐富既下午茶TIM, 睇下我同老公幾開心!


#Happy!!

#小天使送紀念品給準爸爸

 

#Bob

#醫生分享

#勁多紀念品

#陀住5個月b既我

下次再見啦^^

懷孕日記start!

哇, 原來我沒更新已經快要一年了!!


一直都在ztyle那邊更新, 因為怕煩, 要把相片轉來轉去, 便沒再轉過來yahoo blog了!我真是個大懶人!

好, 因為我快要成為媽媽了, 決定要由今天起把懷孕的心情好好的記錄下來, 我, 又回來yahoo blog了! 同一時間, 順便都會更新blogspot那邊, the ztyle以化妝為主, 未必會出文了….



今天已經到了20w5d, 踏入懷孕的一半路程了, 打從我在2月份得知bingo以來, 變化的可真多, 搬離了2人小世界的豫豐, 重回與老爺奶奶同住的大房子,我的一對好寶貝龍貓薯薯希希則給我妹代照顧, 放下了每日收工後渣獲鏟的工作, 現時就專心工作及養胎, 起初是超不慣,不過老公同奶奶都話我有左bb唔可以再操勞好似以前咁又買送又煮飯, 為左bb陀得穩陣, 沒辦法啦.



不過我們家向來行動極之速戰速決, 不到幾日, 老公就搬了家, 把所有野都安頓好, 我呢?什麼都不用做, 乖乖回娘家休息, 待他settle down哂之後, 我才回去住, haha, 他真的好辛苦, 我都好心痛, 不過為左bb, 他說雖是最累, 但都是最滿足的一次搬家. 老實講, 我真係好怕搬屋, 因為我地真係勁勁勁多野, 我知老公今次搬屋好辛苦, 佢真係抵錫到爆.



懷孕初期真的非常非常累, 每日好像患了重感冒, 9點左右就想訓教, 行街都行唔到, 行1個鐘我已累壞, 以我平時的戰鬥力是8小時, 可想而知我都幾down架果排……



除左有一次工作太累作小產見啡, 收工立即入A&E之外, (那次是第一次見到bb, 大約6wks)

陀bb一直都好好的, 但胃口就極差, 完全唔想食野,胃氣又多, 間中會作嘔, 不過唔係嘔好多, 我覺得自己都算陀得幾好架啦. 有0的大肚mama會嘔到輕10磅, 好誇張lor!



上星期六去左元朗楊醫生果度照結構,咁就用左1000蚊啦!

不過好開心又見到bb, 醫生confirm左9成係囡囡來架, 而且所有野都好正常, bb仲成日郁手郁腳tim, 又啜手指又遮住塊臉, hahaha, 睇到我同老公都好開心呀! 老公仲成日話因為係囡囡所以一定會鍚到佢燶tim呀! 不過醫生話我個胎盤陀得有少少低但係遲下會上升返去喎, 叫我唔好擔心! BB而家有14cm, 連腳有22cm長啦, 大得真係快啦^^

仲有呀, 我已經感覺到bb踢我啦, 仲要17wk已經feel到, 而尼幾日呢, 就feel到更加多, 佢真係愈來愈大力啦, haha!

好, 下文會出bb expo既小收獲同照聲波相!